Ito ay bilang tugon pa rin ng Pamahalaang Panlalawigan ng Cagayan sa pamamagitan ng Provincial Agriculturist Office (OPA) sa proyekto ng national government.

Nilahukan pa rin ito ng labing-apat (14) na exhibitors mula sa iba’t ibang kooperatiba at ahensiya ng gobyerno katulad ng Department of Agriculture-Agribusiness & Marketing Assistance Division (DA-AMAD) Regional Field Office No. 02, Department of Interior and Local Government (DILG)-Cagayan, Department of Agriculture- Bureau of Fisheries and Aquatic Resources (DA-BFAR), Department Trade and Industry (DTI), at Department of Social Welfare and Development (DSWD).

Magiging bukas ang Kadiwa ng Pangulo Program sa Kapitolyo ng Cagayan tuwing Martes kung saan ay makabibili ng iba’t ibang klase ng prutas at gulay, BFAR assisted fishery products at iba pang produkto.

Layon ng Kadiwa ng Pangulo Program na magkaroon ng market linkage ang mga magsasaka, mangingisda, maliliit na negosyo at ang buying public sa abot-kayang presyo.