Pinangunahan ng Office of the Provincial Agriculturist (OPA) ang pamamahagi ng tulong kung saan nakatanggap ng tig-P1,000 ang mga mangingisdang naapektuhan ng mga nagdaang bagyo sa Cagayan.

Ang patuloy na pamamahagi ng Pamahalaang Panlalawigan ng Cagayan ng tulong pinansiyal sa iba’t ibang sektor na apektado ng mga nagdaang kalamidad ay inisiyatiba ni Governor Manuel Mamba upang matulungan silang makabangon muli sa kanilang mga hanap-buhay.

Nakatanggap na rin ng kaparehong tulong ang mga mangingisda sa bayan ng Iguig, Peñablanca, at Tuguegarao City mula sa PGC.