“Full Scholarship Program for Cagayano Young (Student) Farmers”. Ito ang inialok ni Ambassador Wallace Minn-Gan Chow, Representative of the Taipei Economic and Cultural Office in the Philippines (TECO) sa kanyang pagharap sa grupo ng mga student intern at kababaihan, mga magsasaka, at barangay officials sa Cagayan Farm School and Agri-Tourism Center sa Anquiray, Amulung ngayong Miyerkules, Pebrero 21, 2024.

Masayang ibinalita ni Ambassador Chow kay Governor Manuel Mamba na dadagdagan ang slot ngayon para sa mga Cagayano Young Farmers na nagnanais maisama sa Filipino Young Farmers Internship Program in Taiwan (FYFITP). Ang FYFIPT ay partnership ng Department of Agriculture (DA), Manila Economic and Cultural Office (MECO), at ng Taipei Economic and Cultural Office in the Philippines (TECO) sa pamamagitan ng Agricultural Training Institute (ATI).

Natuwa si Ambassador Chow nang makita ang mga estudyante na mayroong interes sa pagsasaka. Aniya, sa pamamagitan ng kanilang paglalakbay at pag-aaral sa Taiwan ay matututo sila sa mga makabagong teknolohiya sa pagsasaka na kanilang gagamitin dito sa Cagayan. Mayroon umanong 11 months at 4-year full term scholarship ang Taiwan at maaaring mag-apply lamang sa kanyang tanggapan sa pamamagitan ng tanggapan naman ni Governor Mamba.

“This is a trip of learning, a trip of sharing and a trip to agriculture. We have students train with salaries for 11 months there in Taiwan. They learn modern skills for agriculture so that they can have their own or grow their own farm and help their fellow here,” sambit ni Ambassador Chow.

Kanya ring inihayag sa mga Cagayano na ang Taiwan at Pilipinas ay magkalapit lamang kung kayat nararapat lamang na maging partner. “Taiwan and the Philippines are natural close. They can hear the Taiwanese song in the upper part. See how close we are. So, we should not only relatives but should be the best partner in the world”, pagtatapos ni Chow.

Kaugnay rito, hiniling naman ni Gob. Mamba ang limampung (50) slots para sa nasabing scholarship. Kanya ring inihayag ang kanyang pagkagalak dahil sa pagpunta sa lalawigan at pagpapakita ng interes.

“We have a lot of big dreams. I’m so glad you came here and showed your interest in us to promote exchanges. That is why I always say, we don’t have enemies we only have friends because we believe that we have a community of nations; we could be part of International trade,” ani Gob Mamba.

Samantala, una na ring iniikot ng Unang Ginang ng lalawigan na si Atty. Mabel Villarica-Mamba, Provincial Agriculturist Pearlita Mabasa si Ambassador Chow kasama ang kanyang maybahay na si Madame Tai Yu Shan, Irene Wang at Yuan-Ching Peng sa mga taniman at sa isinagawang sweet potato ceremonial harvesting. Nagkaroon din ng maikling demonstration sa composite site sa pagitan ng OPA Staff at ni Mr. Peng na siyang eksperto sa agrikultura.

Natunghayan rin ng mga bisita ang aktuwal na kaganapan sa araw-araw na aktibidad ng mga farmer’s group mula sa Rural Improvement Club (RIC)-Amulung at mga student intern mula sa Baggao National Agriculture and Trade School, Felipe Tuzon Agricultural School, at Cordova National High School sa Farm School.

Samantala, nakasama rin sa pag-iikot sa 8.5 hectare owned and operated by Provincial Government of Cagayan at first Departmemt of Tourism Accredited Eco-tourism government facility sina Provincial Administrator Atty. Maria Rosario Mamba-Villaflor, 3rd District Board Member Rodrigo De Asis, Consultants, mga Department Head ng Kapitolyo ng Cagayan, at mga empleyado ng OPA.