Lubos ang naging pasasalamat ni Ambassador Wallace Minn-Gan Chow, Representative of the Taipei Economic and Cultural Office in the Philippines (TECO) at ng kanyang grupo kay Gob. Manuel Mamba, Atty. Mabel Villarica-Mamba, at sa bumubuo ng Pamahalaang Panlalawigan ng Cagayan matapos ang kanilang pagbisita sa probinsiya.

Nanatili sina Ambassador Chow kasama ang kanyang grupo sa Cagayan sa loob ng tatlong araw kung saan kanilang natunghayan ang pagtutok ng Pamahalaang Panlalawigan ng Cagayan sa sektor ng agrikultura, aqua-culture, turismo. Kanila ring binisita ngayong Huwebes ang Cagayan Animal Breeding Center and Agri-ecotourism Park sa Zitanga, Ballesteros, Cagayan.

“We shall reconnect our relation. Taiwan is so close to the Philippines (Cagayan). There is no reason to divide, to separate us. Our people share the same culture; so many similarities to customs, traditions and we should continue learning and sharing and we shall continue to work with your government. Thank you, Governor Mamba and Atty. Mabel Mamba, for your warm hospitality,” pasasalamat ni Ambassador Chow.

Inimbitahan din ni Ambassador Chow si Gov. Mamba, Atty. Mabel, at delegasyon ng Cagayan na bumisita sa Taiwan upang tunghayan ang mga pamamaraan ng kanilang pamumuhay na maaring isagawa rin sa Cagayan.

Kaugnay rito, inihayag namam ni Gob. Mamba ang kanyang hangarin sa rekoneksyon ng Cagayan sa ibang mga bansa. Tila aniya kasi pinabayaan ng mga lider ang lalawigan dahil sa pagsasara ng Port of Aparri.

” Our leaders refused to see this. They never develop the port (Port of Aparri) of this country despite the fact that historically we were connected to these countries. Let us reconnect with neighbors,” sambit ni Gob Mamba.

Samantala, binisita rin ni Ambassador Chow, kanyang maybahay na si Tai Yu Shan, Irene Wang, at Agriculture Expert Yuan-Ching Peng ang “One Town, One Product” (OTOP) sa Pavilion Nassiping, Gattaran. Ipinasyal rin sila ni Gob. Mamba at Atty. Mabel sa Governor’s residence sa Bangag Sub-capitol, Lal-lo.

Kanilang naging huling destinasyon sa pagbisita sa lalawigan ang Cagayan Animal Breeding Center and Agri-ecotourism Park sa Zitanga, Ballesteros kung saan sila’y namangha dahil sa pagkakaroon ng anila’y government owned facility kung saan ang Pamahalaang Panlalawigan ang may control at nangangasiwa. Iprinisinta naman ni Dr. Noli Buen, Provincial Veterinarian kung paano napaganda, nagamit, at nabigyan ng buhay ang 40-hectare na lupain na pagmamay-ari ng Pamahalaang Panlalawigan ng Cagayan.

Samantala, susunod namang bisitahin ng grupo ni Ambassador Chow ang lalawigan ng Ilocos Norte.